AN LEABHAR

Rugadh agus tógadh Christy Gillespie i gCill Charthaigh. Tá cónaí air anois i Leitir Ceanainn lena bhean chéile Brona. Tá ceathrar clainne acu agus iad uilig ar shiúl ón bhaile anois.

Bhí Christy ina mhúinteoir scoile agus ina phríomhoide ar feadh na mblianta i Scoil Náisiúnta an Tearmainn. Le linn an ama sin d’éirigh go maith lena chuid ranganna i gcomórtais oidhreachta náisiúnta. Bhí an ceann is déanaí mar bhuaiteoirí Comórtas Uile-Éireann ‘Decade of Centenaries’ dá dtionscadal ar an stair a bhain le bonn de chuid an Chéad Chogaidh Dhomhanda a tháinig duine de thuismitheoirí pháiste de chuid na scoile air ina ghairdín.

D'fhoilsigh Christy leabhar ar shaol Naomh Colm Cille, a raibh ceangal aige leis an cheantar, leabhar ar díoladh gach cóip de dhá eagrán. Le cuidiú pháistí na scoile, d’fhoilsigh sé leabhar eile ar scéal dhíshealbhuithe Dhoire Bheatha in 1861. Tá Doire Bheatha, ar bhruacha Loch Ghartáin, i ndobharcheantar na scoile agus gan fágtha anois ann ach teach amháin.

Tá Christy ag obair go crua le cúig bliana déag anuas ar thaighde agus ar scríobh an scéil shuimiúil seo faoi Ghleann Locha agus é críochnaithe anois leis an magnus opus seo, beidh sé ag filleadh ar leagan nuashonraithe de scéal Cholm Cille a chríochnú. Tá sé i gceist aige stair Chlainn Mhic Suibhne Báineach a chur i gcrích fosta, clann a bhí i gceannas ar dhúiche ollmhór ar Bharúntacht Báineach thart ar Chuan na gCealla Beaga, dúiche ó hInbhear go Cuan Theilinn. Tháinig Clann Mhic Suibhne ina ngallóglaigh ó iarthar na hAlban ar dtús agus níorbh fhada go raibh siad ina saighdiúirí dílse de chuid Chlann Uí Dhónaill a bhí i gceannas in iarthuaisceart na hÉireann ar feadh dhá chéad bliain.